ಹೇ ರಾಮಕೃಷ್ಣ ಸಲಹೊ ಕೃಪಾಲು

ಪಹಾಡಿ – ತೇವರಾ

ಹೇ ರಾಮಕೃಷ್ಣ ಸಲಹೊ ಕೃಪಾಲು||

ಕನಕ ಕೇಳುವುದಿಲ್ಲ, ಕೀರ್ತಿ ಬೇಡುವುದಿಲ್ಲ!

ಭಕ್ತಿಯೊಂದನೆ ನಿನ್ನ ಬೇಡುತಲಿಹೆನಯ್ಯ||

ಧನವೆನ್ನ ಜೊತೆಗೆಂದೂ ಬಾರದು ದಿಟವು||

ಹೆಸರು ಕೀರ್ತಿಯನೆಲ್ಲ ಮರೆತೇಬಿಡುವರು||

ನಾನು ನಾನು ನಾನು ಇದೇ ನನ್ನ ಮಂತ್ರ!

ಈಗ ಅರಿತೆ ಇದು ಮನದ ಕುತಂತ್ರ||

ಎನ್ನಿಂದ ಪರರಿಗೆ ಸಂದಿತು ಉಪಕಾರ|

ಎಂದು ತಿಳಿದ ಮಂದಮತಿಯನು ಮನ್ನಿಸು||

ಸತ್ಯವಂತನು ನೀನು ನಿರಭಿಮಾನನು ನೀನು|

ಕಪಟವನರಿಯದ ಸರಳ ಶುದ್ದನು ನೀನು||

– ಸ್ವಾಮಿ ಪುರುಷೋತ್ತಮಾನಂದ