ಸಕಲದಿಶಾಸು ಮುದಂ ತನ್ವಾನೇ

ಸಕಲದಿಶಾಸು ಮುದಂ ತನ್ವಾನೇ

ಸಕಲನಿಶಾಸು ಮಹೋ ವಿಧದಾನೇ |

ಜಯ ವಿಶ್ವ-ಜಗದಘ-ತಿಮಿರ-ನಾಶಿನಿ

ಜಯ ಜನನಿ ಜಯ ಜಯ ಜನನಿ ಜಯ ||

 

ನಂದಿತ-ಸಂತತಿ-ವಂದಿತ-ಚರಣಂ

ಭಯಹರಣಂ ತವ ಕಮಲ-ಸುಲಲಿತಮ್ |

ಶರಣಾಗತ-ಮಾನವ-ದುಃಖ-ಹರೇ

ಶಿರಸಾ ವಂದೇ ಹೇ ಜಗದತುಲೇ ||

 

ಪ್ರತಿಯಮಾಲಂ ವೇಗವಚ್ಚಲಂ

ವಹತಿ ಜೀವನಂ ಪ್ರತ್ಯಹಂ ನರಃ |

ವಿಷಯವೈಭವಂ ಫೇನಬುದ್ಬುದಃ

ಭಜತ ಶಾರದಾಮೀಶ್ವರೀ0 ಪರಾಮ್ ||

 

ತಿಮಿರತಾರಣಂ ಭಕ್ತಿಕಾರಣಂ

ವಿಷಯಶೋಷಣಂ ವೇದಬೋಧನಮ್ |

ಪರಪದಸ್ಯ ಮೇ ಪ್ರಾಪಣ0 ಕಣಂ

ಚರಣಶೋಭನಂ ದೇಹಿ ಶಾರದೇ ||

 

ಮಾತಾ ಮೇ ಶಾರದಾದೇವೀ ರಾಮಕೃಷ್ಣಪ್ರಭುಃ ಪಿತಾ |

ಬಾಂಧವಾಃ ಸಕಲಾ ಭಕ್ತಾಃ ಸ್ವದೇಶೋ ಭುವನತ್ರಯಮ್ ||