ಅನಿತ್ಯದೃಶ್ಯೇಷು ವಿವಿಚ್ಯ ನಿತ್ಯಂ
ತಸ್ಮಿನ್ ಸಮಾಧತ್ತ ಇಹ ಸ್ಮ ಲೀಲಯಾ |
ವಿವೇಕ-ವೈರಾಗ್ಯ-ವಿಶುದ್ಧ-ಚಿತ್ತಂ
ಯೊಸೌ ವಿವೇಕೀ ತಮಹಂ ನಮಾಮಿ ||
ವಿವೇಕಜಾನಂದ-ನಿಮಗ್ನ-ಚಿತ್ತಂ
ವಿವೇಕ ದಾನೈಕ ವಿನೋದ ಶೀಲಂ
ವಿವೇಕ-ಭಾಸಾ-ಕಮನೀಯಕಾಂತಿಂ
ವಿವೇಕಿನಂ ತಂ ಸತತಂ ನಮಾಮಿ ||
ಋತಂ ಚ ವಿಜ್ಞಾನಮಧಿಶ್ರಯತ್ ಯತ್
ನಿರಂತರಂ ಚಾದಿಮಧ್ಯಾಂತಹೀನಮ್ |
ಸುಖಂ ಸುರೂಪ0 ಪ್ರಕರೋತಿ ಯಸ್ಯ
ಅನಂದಮೂರ್ತಿಂ ತಮಹಂ ನಮಾಮಿ ||
ಸೂರ್ಯೋ ಯಥಾಂಧ0 ಹಿ ತಮೋ ನಿಹಂತಿ
ವಿಷ್ಣುರ್ಯಥಾ ದುಷ್ಟಜನಾನ್ ಛಿನತ್ತಿ |
ತಥೈವ ಯಸ್ಯಾಖಿಲ-ನೇತ್ರ-ಲೋಭಂ
ರೂಪಂ ತ್ರಿತಾಪಂ ವಿಮುಖೀಕರೋತಿ ||
ತಂ ದೇಶಿಕೇಂದ್ರಂ ಪರಮಂ ಪವಿತ್ರಂ
ವಿಶ್ವಸ್ಯ ಪಾಲಂ ಮಧುರಂ ಯತೀಂದ್ರಮ್ |
ಹಿತಾಯ ನೃಣಾ0 ನರಮೂರ್ತಿಮಂತಂ
“ವಿವೇಕ-ಆನಂದ” ಮಹಂ ನಮಾಮಿ ||
ನಮಃ ಶ್ರೀ ಯತಿರಾಜಾಯ ವಿವೇಕಾನಂದಸೂರಯೇ |
ಸಚ್ಚಿತ್ಸುಖಸ್ವರೂಪಾಯ ಸ್ವಾಮಿನೇ ತಾಪಹಾರಿಣೇ ||
—ಸ್ವಾಮಿ ರಾಮಕೃಷ್ಣಾನಂದ