ಶ್ರೀರಾಮಕೃಷ್ಣ-ಸಂಘ-ಸ್ತೋತ್ರಮ್
ಸರ್ವಧರ್ಮಸ್ಥಾಪಕಸ್ತ್ವಂ ಸರ್ವಧರ್ಮಸ್ವರೂಪಕಃ |
ಆಚಾರ್ಯಾಣಾಂ ಮಹಾಚಾರ್ಯೋ ರಾಮಕೃಷ್ಣಾಯ ತೇ ನಮಃ ||
ಯಥಾಗ್ನೆರ್ದಾಹಿಕಾಶಕ್ತೀ ರಾಮಕೃಷ್ಣೇ ಸ್ಥಿತಾ ಹಿ ಯಾ |
ಸರ್ವವಿದ್ಯಾಸ್ವರೂಪಂ ತಾಂ ಶಾರದಾಂ ಪ್ರಣಮಾಮ್ಯಹಮ್ ||
ಕಾಲಿಂದೀ-ಫುಲ್ಲ-ಕಮಲೇ ಮಾಧವೇನ ಕ್ರೀಡಾರತ |
ಬ್ರಹ್ಮಾನಂದ ನಮಸ್ತುಭ್ಯಂ ಸದ್ಗುರೋ ಲೋಕನಾಯಕ ||
ಯೋಗಾನಂದಃ ಪ್ರೇಮಾನಂದಶ್ಚಾನ್ಯೇ ವೈ ಯೇ ಚ ಪಾರ್ಷದಾಃ |
ರಾಮಕೃಷ್ಣಗತಪ್ರಾಣಾಃ ಸರ್ವಾನ್ ತಾನ್ ಪ್ರಣಮಾಮ್ಯಹಮ್ ||
–ಸ್ವಾಮಿ ಶಾರದಾನಂದ