ಓಂ ಹ್ರೀಂ ಋತಂ ತ್ವಮಚಲೋ ಗುಣಜಿದ್ ಗುಣೇಡ್ಯಃ
ನಕ್ತಂದಿವಂ ಸಕರುಣಂ ತವ ಪಾದಪದ್ಮಮ್ |
ಮೋಹಕ್ಕಶಂ ಬಹು ಕೃತಂ ನ ಭಜೇ ಯತೋಹಂ
ತಸ್ಮಾತ್ ತ್ವಮೇವ ಶರಣಂ ಮಮ ದೀನಬಂಧೋ ||
ಭಕ್ತಿಭರ್ಗಶ್ಚ ಭಜನಂ ಭವಭೇದಕಾರಿ
ಗಚ್ಛಂತ್ಯಲಂ ಸುವಿಪುಲಂ ಗಮನಾಯ ತತ್ತ್ವಮ್ |
ವಕ್ತ್ರೋದ್ಧೃತೋಪಿ ಹೃದಯೇ ನ ಮೇ ಭಾತಿ ಕಿಂಚಿತ್
ತಸ್ಮಾತ್ ತ್ವಮೇವ ಶರಣಂ ಮಮ ದೀನಬಂಧೋ ||
ತೇಜಸ್ತರಂತಿ ತರಸಾ ತ್ವಯಿ ತೃಪ್ತತೃಷ್ಣಾಃ
ರಾಗೇ ಕೃತೇ ಋತಪಥೇ ತ್ವಯಿ ರಾಮಕೃಷ್ಣೇ |
ಮರ್ತ್ಯಾಮೃತಮ್ ತವ ಪದಂ ಮರಣೋರ್ಮಿನಾಸಂ
ತಸ್ಮಾತ್ ತ್ವಮೇವ ಶರಣಂ ಮಮ ದೀನಬಂಧೋ ||
ಕೃತ್ಯಂ ಕರೋತಿ ಕಕಲುಷಂ ಕುಹಕಾಂತಕಾರಿ
ಷ್ಣಾಂತಂ ಶಿವಂ ಸುವಿಮಲಂ ತವ ನಾಮ ನಾಥ |
ಯಸ್ಮಾದಹಂ ತ್ವಶರಣೋ ಜಗದೇಕಗಮ್ಯ
ತಸ್ಮಾತ್ ತ್ವಮೇವ ಶರಣಂ ಮಮ ದೀನಬಂಧೋ ||
ಓಂ ಸ್ಥಾಪಕಾಯ ಚ ಧರ್ಮಸ್ಯ ಸರ್ವ-ಧರ್ಮ-ಸ್ವರೂಪಿಣೇ |
ಅವತಾರ-ವರಿಷ್ಠಾಯ ರಾಮಕೃಷ್ಣಾಯ ತೇ ನಮಃ ||
ಓಂ ನಮಃ ಶ್ರೀಭಗವತೇ ರಾಮಕೃಷ್ಣಾಯ ನಮೋ ನಮಃ ||
-ಸ್ವಾಮಿ ವಿವೇಕಾನಂದ