ಹೃದಯಕಮಲಮಧ್ಯೇ ರಾಜಿತಂ ನಿರ್ವಿಕಲ್ಪಂ
ಸದಸದಖಿಲಭೇದಾತೀತಮೇಕಸ್ವರೂಪಮ್ |
ಪ್ರಕೃತಿವಿಕೃತಿಶೂನ್ಯಂ ನಿತ್ಯಮಾನಂದಮೂರ್ತಿಂ
ವಿಮಲಪರಮಹಂಸಂ ರಾಮಕೃಷ್ಣಂ ಭಜಾಮಃ ||
ನಿರುಪಮಮತಿಸೂಕ್ಷ್ಮಂ ನಿಷ್ಪ್ರಪಂಚಂ ನೀರಿಹಂ
ಗಗನಸದೃಶಮೀಶಂ ಸರ್ವಭೂತಧಿವಾಸಮ್ |
ತ್ರಿಗುಣರಹಿತಸಚ್ಚಿದ್ಬ್ರಹ್ಮರೂಪಂ ವೆರೇಣ್ಯಂ
ವಿಮಲಪರಮಹಂಸಂ ರಾಮಕೃಷ್ಣಂ ಭಜಾಮಃ ||
ವಿತರಿತುಮವತೀರ್ಣಂ ಜ್ಞಾನಭಕ್ತಿಪ್ರಶಾಂತೀಃ
ಪ್ರಣಯಗಲಿತಚಿತ್ತಂ ಜೀವದುಃಖಾಸಹಿಷ್ಣುಮ್ |
ಧೃತಸಹಜಸಮಾಧಿಂ ಚಿನ್ಮಯಂ ಕೋಮಲಾಂಗಂ
ವಿಮಲಪರಮಹಂಸಂ ರಾಮಕೃಷ್ಣಂ ಭಜಾಮಃ ||
—ಸ್ವಾಮಿ ಅಭೇದಾನಂದ