ವಿಶುದ್ಧವಿಜ್ಞಾನಮಗಾಧಸೌಖ್ಯಂ

ಶ್ರೀರಾಮಕೃಷ್ಣಸ್ತವಃ

ವಿಶುದ್ಧವಿಜ್ಞಾನಮಗಾಧಸೌಖ್ಯಂ
ವಿಶ್ವಸ್ಯ ಬೀಜಂ ಕರುಣಾಪಯೋಧಿಃ |
ಅನಾದ್ಯಾನಂತಂ ಪ್ರಕೃತೇ ಪರಸ್ತಾತ್
ತತ್ ತತ್ತ್ವಮೇಕಂ ಭುವಿ ರಾಮಕೃಷ್ಣಃ ||

ನ ನೇತಿ ಭೀತ್ಯಾ ಶ್ರುತಯೋ ವದಂತಿ
ವದಂತಿ ಸಾಕ್ಷಾನ್ನ ಚ ಯಂ ಕದಾಚಿತ್ |
ಚಿದೇಕರೂಪಃ ಶಿವ ಈಶ್ವರಾಣಾಂ
ಮಹೇಶ್ವರೋಸೌ ಭುವಿ ರಾಮಕೃಷ್ಣಃ ||

ಯಂ ನಿತ್ಯಮಾನಂದಮನಂತಮೇಕಂ
ಶಿವೇತಿ ನಾಮ್ನಾ ಶ್ರುತಯೋ ಗೃಣ0ತಿ |
ತಸ್ಯಾವತಾರೋ ನರರೂಪಧಾರೀ
ಕೃಪಾಸುಧಾಬ್ಧಿರ್ಭುವಿ ರಾಮಕೃಷ್ಣಃ ||

ಮಮೇತಿ ಬುದ್ಧಿರ್ವಿಷಯೇಷು ಯಸ್ಯ
ನಾಭೂತ್ ಕದಾಚಿತ್ ವಿಷಯಾತಿಗಸ್ಯ |
ಸ ಕಾಮಿನೀಕಾಂಚನರಿಕ್ತಚಿತ್ತಃ
ಕೊಪ್ಯೇಕ ಆಸೀದ್ ಭುವಿ ರಾಮಕೃಷ್ಣಃ ||

ಪ್ರೇಮಾಬ್ಧಿಗಂಭೀರತರಂಗಭಂಗ್ಯೆ-
ರಾಂದೋಲಿತೋ ಯೋ ಭಗವದ್ವಿಲೀನಃ |
ಭಕ್ತಿರ್ವಿಶುದ್ಧಾ ಸ್ವಯಮಾವಿರಾಸೀತ್
ಪುಂವಿಗ್ರಹೋಹೋ ಭುವಿ ರಾಮಕೃಷ್ಣಃ ||

ತಮದ್ಭುತಂ ಕಂಚಿದಚಿಂತ್ಯಶಕ್ತಿಂ
ವಂದೇ ಪ್ರಶಾಂತಂ ಪರಿಪೂರ್ಣಬೋಧಮ್ |
ಜ್ಞಾನಸ್ಯ ಭಕ್ತೇಶ್ಚ ವಿಶುದ್ಧಮೂರ್ತಿಂ
ದ್ವಿಮೂರ್ತಿಮೇಕಂ ಭುವಿ ರಾಮಕೃಷ್ಣಮ್ ||
ವಿಜ್ಞಾನಪೀಯೂಷನಿಮಗ್ನಮೂರ್ತಿಃ
ಪಸ್ಪರ್ಶ ಯಾನ್ ಯಾನ್ ದಯಯಾ ಕರೇಣ |
ತೇ ಕಾಮಿನಿಕಾಂಚನರಿಕ್ತಚಿತ್ತಾಃ
ಸದ್ಯೋ ಬಭೂವುರ್ಭುವಿ ರಾಮಕೃಷ್ಣಃ ||

ವಂದೇ ಜಗದ್ಬೀಜಮಖಂಡಮೇಕಂ
ವಂದೇ ಸುರಾಸೇವಿತಪಾದಪೀಠಮ್ |
ವಂದೇ ಭವೇಶಂ ಭವರೋಗವೈದ್ಯಮ್
ತಮೇವ ವಂದೇ ಭುವಿ ರಾಮಕೃಷ್ಣಮ್ ||

–ಪ್ರಮದಾದಾಸ ಮಿತ್ರ