ಭಜ ಯತಿರಾಜಂ ಭಜ ಯತಿರಾಜಂ

ಭಜ ಯತಿರಾಜಂ ಭಜ ಯತಿರಾಜಂ

ಭಜ ಯತಿರಾಜಂ ಭವಭೀರೋ |

ಭಜ ಯತಿರಾಜಂ  ಭಜ ಯತಿರಾಜಂ

ಭಜ ಯತಿರಾಜಂ ಭವಭೀರೋ ||

 

ಶ್ರೀರಂಗೇಶಜಯಾಶ್ರಯಕೇತುಃ

ಶ್ರಿತಜನಸಂರಕ್ಷಣಜೀವಾತುಃ |

ಭವಭಯಜಲಧೇರೇಷ ಹಿ ಸೇತುಃ

ಪದ್ಮಾನೇತುಃ ಪ್ರಣತೌ ಹೇತುಃ ||

 

ಆದೌ ಜಗದಾಧಾರಶ್ಮೇಷಃ

ತದನುಸುಮಿತ್ರಾನಂದನವೇಷಃ |

ತದುಪರಿಧೃತಹಲಮುಸಲವಿಶೇಷಃ

ತದನಂತರಮಭವದ್ಗುರುರೇಷಃ ||

 

ನಷ್ಟೇ ನಯನೇ ಕಸ್ಯಾಲೋಕಃ

ಚಿತ್ತೇ ಮತ್ತೇ ಕಸ್ಯ ವಿವೇಕಃ |

ಕ್ಷೀಣೇ ಪುಣ್ಯೇ ಕಸ್ಸುರಲೋಕಃ

ಕಾಮೇ ಧೂತೇ ಕಸ್ತವಶೋಕಃ ||

 

ಮನ್ತ್ರದ್ರವ್ಯವಿಶುದ್ಧೋ  ಯಾಗಃ

ಸರ್ವಾರಂಭವಿರಾಗಸ್ತ್ಯಾಗಃ |

ಕರ್ತುಂ ಶಕ್ಯೋ ನ ಕಲೌ ಯೋಗಃ

ಕಿಂತು ಯತೀಶಗುಣಾಮೃತಭೋಗಃ ||

 

ಮನುಜಪತಿಂ  ವಾ ದಿಗಧಿಪತಿಂ ವಾ

ಜಲಜಭವಂ ವಾ ಜಗದಧಿಪಂ ವಾ |

ಮಮತಾಹಂಕೃತಿಮಲಿನೋ ಲೋಕಃ

ನಿಂದತಿ ನಿದಂತಿ ನಿಂದತ್ಯೇವ  ||

 

ಪಾಪಹತೋ ವಾ ಪುಣ್ಯಯುತೋ ವಾ

ಸುರನರತಿರ್ಯಗ್ಜಾತಿಗತೋ ವಾ |

ರಾಮಾನುಜಪದತೀರ್ಥಾನ್ಮುಕ್ತಿಂ

ವಿಂದತಿ ವಿಂದತಿ ವಿಂದತ್ಯೇವ ||

 

ಕಾಷಾಯಾಂಬರಕವಚಿತಗಾತ್ರಂ

ಕಲಿತಕಮಣ್ಡಲುದಣ್ಡಪವಿತ್ರಮ್ |

ವಿಧೃತಶಿಖಾಹರಿಣಾಜಿನಸೂತ್ರಂ

ವ್ಯಾಖ್ಯಾತದ್ವೈಪಾಯನ  ಸೂತ್ರಮ್ ||

 

ಸಂತ್ಯಜ ಸಕಲಮುಪಾಯಾಚರಣಂ

ವ್ರಜ ರಾಮಾನುಜಚರಣೌ ಶರಣಮ್ |

ಪಶ್ಯಸಿ ತಮಸಃ ಪಾರಂ ನಿತ್ಯಂ

ಸತ್ಯಂ ಸತ್ಯಂ ಪುನರಪಿಸತ್ಯಮ್ ||

 –ಕೌಂಡಿನ್ಯ ರಂಗಾರ್ಯ